Söngkeppnisvikan

Kæru MR-ingar.

Föstudaginn 3. febrúar nk. verður Söngkeppni Skólafélagsins haldin í Austurbæjarbíó. Skærustu stjörnur Menntaskólans munu stíga á svið og láta ljós sitt skína. Þetta verður án nokkurs vafa eftirminnilegt kvöld sem enginn má missa af!

Stjórnarbreytingar

Kæru MR-ingar.

Seinustu daga hafa talsverðar breytingar átt sér stað á stjórn Skólafélagsins og vildum við tilkynna niðurstöður kosninga fyrir þá sem ekki gátu verið viðstaddir skólafundinn í dag. Þórður Hans Baldursson hefur tekið við embætti inspector scholae og sagt af sér embætti collegu. Alls kusu 705 nemendur og skiptust atkvæði þannig að Þórður fékk 536, Kristján 134 en auðir og ógildir seðlar voru 35. Á fundinum fóru því fram kosningar til embættis collegu og hlaut Ásgeir Hallgrímsson 47 atkvæði af 59.

Kv. Skólafélagsstjórn